Новогодишна наградна игра на „виза“ и Стопанска
Бројни вредни награди ќе бидат поделени за време на промоцијата што ја организираат „виза“ и Стопанска банка по повод претстојните новогодишни и божикни празници. Учеството е едноставно - за време на наградната игра, која трае до 31 јануари, при купување со својата картичка „виза“, клиентите треба да остварат најмалку пет набавки во вкупна вредност од 10.000 денари. Промоцијата се однесува за корисниците на дебитни, кредитни и Интернет-картички „виза“ издадени од Стопанска. Главната награда е 5.000 евра во денарска противвредност, а покрај неа, ќе бидат доделени и десет награди од по 250 евра во денарска противвредност, кои добитниците ќе ги добијат и ќе располагаат со нив преку картичка „виза“ од Стопанска. (Ек.Р.) |
