„Сведмилк“ до крајот на неделава ќе го исплати млекото
„Сведмилк“ вети дека до крајот на неделава ќе го намири долгот кон млекопроизводителите тежок над еден милион евра. Ова е ветувањето што го добиле фармерите од менаџментот на компанијата по разговорите со вицепремиерот Зоран Ставрески.
„До крајот на неделата веруваме дека парите ќе бидат исплатени. Му кажавме на Ставрески што ќе се случи во државата ако останеме без сточен фонд“, изјави Недим Касами од Федерацијата на фармерите по средбата во Владата. (А.С.) | 
