Уни банка ги намали ратите за „виза“ и за „мастер“

Уни банка ги намали ратите што треба да ги исплаќаат корисниците за искористениот износ од кредитниот лимит на картичките „мастер“ и „виза“. Месечниот минимум за плаќање наместо досегашните 10 отсто, односно 7 отсто, сега се намалува на 5 отсто од износот на искористениот кредитен лимит. По уплатата на средствата за отплата на долгот, како што соопштуваат од банката, овозможено е автоматско обновување на кредитниот лимит. Со отплата на помалиот износ, всушност, се намалува и месечното оптоварување за корисникот. (Ек.Р.)