Сеул го евакуира населението

Сеул - Јужна Кореја вчера ја изведе најголемата вежба во историјата на државата за евакуација на луѓе како подготовка за евентуален нов напад од Северна Кореја.

За време на 20-минутната вежба запреа со движење сите автомобили, жителите во државата ставија гас-маски и се упатуваа кон подземните скривници. Според процени на официјални лица, во вежбите за евакуација учествувале околу 12 милиони луѓе од 49 милиони жители во државата.

Северна Кореја на 23 ноември изврши напад врз јужнокорејскиот остров Јеонпјеонг, при што загинаа двајца јужнокорејски војници и двајца цивили.

Тоа е најголем инцидент по завршувањето на Корејската војна (1950-1953). Подоцна, Јужна Кореја изведе заеднички поморски вежби со САД.