БИТОЛА - Нема цитостатици во Битола. Шеснаесет пациенти од Онколошкото одделение при Клиничката болница - Битола вчера соопштија дека им е прекината терапијата поради недостиг од лекот „таксол“. Веста за недостигот стигна во Скопје, а Клиниката за онкологија со посредство на Министерството за здравство уште во текот на денешниот ден ќе и' зајми на болницата во Битола одредено количество лекови.Така ќе се премости периодот додека не бидат дистрибуирани лекови.
„Лекот го добиваме во мали количини. Проблемот се јави затоа што доставувачот, фирмата ‘Пановски‘, имал проблеми со увозот на лекот. Очекуваме доставувачите да го испратат нарачаното најдоцна до 15. во месецот“, изјави вчера
Михајло Џолонга, в.д. директор на Клиничка болница - Битола. (МИА)
