„Евроинс осигурување“ ќе воведе агентска мрежа на продажба
Бугарската компанија „Еуроинс иншуренс груп ЈСЦ“ го зголеми учеството во „Евроинс осигурување“ АД Скопје од 83,2 на 90 отсто. Со докапитализацијата, од „Евроинс осигурување“ се надеваат дека ќе понудат новитети на македонскиот пазар. „Нашиот инвеститор од Бугарија, освен со капитал, влегува и со новини во начинот на реализација на осигуритерлната дејност“, рече на вчерашната прес-конференција Виолета Поп Василева, извршна директорка на „Евроинс осигурување“. Првиот новитет е воспоставување агентска мрежа на продажба, со цел да се подобри пристапот до потенцијалните клиенти. Како нов производ, „Евроинс“ го лансира „џебното каско“, кое ќе се нуди во пакет со осигурувањето од автоодговорност. (А.П.) |
