Арамии упаднале во дебарската парохија

Непознати сторители завчераноќ влегле во седиштата на дебарската парохија и во муфтиството, како и во црквата „Света Петка“. Во канцелариите на парохијата, кои се во дворот на црквата и во муфтиството, предизвикана е материјална штета на влезните врати и прозорци, кои насилно биле отворени.

„Од црквата украле над две илјади денари, се обиделе да ја земат ‘Чудотворната икона‘, но ја оставиле“, вели парохискиот намесник Благоја Спироски, кој ја забележал кражбата кога дошол за утринска богослужба.

Дебарскиот муфтија, ефенди Ружди Љата, изјави дека материјалната штета се' уште не ја процениле и оти крадците се обиделе да ја отворат касата, но не успеале. „Сево ова што се случи

и во парохијата и во муфтиството го осудувам како чин, како и тоа што луѓето стигнале да крадат и во верски заедници“, вели Љата. (МИА)