Eврото урива рекорди, паника на пазарот

Тирана - Еврото во Албанија достигна најголема вредност во однос на лекот, што предизвика паника на пазарот. Едно евро првпат достигна 140 албански леки, поради што завчера и вчера имаше недостиг од евра на пазарот. Гувернерот на Албанската банка, Ардијан Фуални, побара да не се прави паника на пазарот, бидејќи, според него, не е во прашање ослабнување на лекот, туку превреднување на еврото.

Тој смета дека албанскиот лек е стабилен и не треба да има паника. Министерот за финансии, Ридва Боде, рече дека нема потреба од неконтролирано купување евра. Сепак, вчера, медиумите јавија дека фирмите и банките купуваат само евра, кои го има се' помалку на пазарот.

Фулани и Боде укажаа дека албанската национална валута треба да остане на пазарот се' додека земјата не стане членка на ЕУ. Премиерот Бериша, пак, најави можност поради слабеењето на лекот да се разгледа можноста за воведување на еврото. (Макфакс)