„С-лизинг“ ќе вложи 10 милиони евра

Компанијата „С-лизинг“, како дел од австриската Штаермаркише банка, која е доминантен сопственик на Инвест банка, влезе на македонскиот финансиски пазар и најави дека во првата година од работењето ќе инвестира 10 милиони евра.

Оваа нова лизинг-компанија ќе нуди лизинг само за подвижни предмети, односно за патнички и товарни возила, а планира над 30 отсто од структурата на портфолиото да отпаднат на лизинг за опрема и машини за мали и за средни фирми. Австријците најавуваат дека наскоро има можност и за отворање нова фирма која ќе се занимава со лизинг на недвижен имот. (С.М.)