Канкунен се враќа на 51 година

Четирикратниот светски шампион Јуха Канкунен ќе се реактивира на возраст од 51 година покрај сонародникот Кими Раиконен на домашното Рели Финска следниот викенд. Канкунен ќе вози „форд фокус“ за тимот на Стобарт со својот долгогодишен совозач Јуха Репо во 60. издание на релито на кое последен пат се натпреваруваше пред осум години.

„Ќе биде извонредно да се вози повторно и многу сум возбуден што ќе бидам дел од јубилејното рели“, изјави Финецот. „Немам поминато многу време во автомобилите од последната генерација и знам дека се имаат случено доста промени, но не отстапувам и не се плашам од предизвикот. Моја цел е место меѓу најдобрите десет и да се борам со Кими Раиконен“.