ММФ си замина од Албанија
Тирана - Мисијата на Меѓународниот монетарен фонд во Албанија заврши. И покрај силните дебати и противења на економските експерти во Албанија, земјата вчера ја напушти и последниот претставник на мисијата, Ан Карин Маргарет Вестин. Таа на средбата со претседателот на државата, Бамир Топи, во Тирана официјално соопшти дека Мисијата на ММФ заврши. Владата на Сали Бериша претходно оцени дека Албанија нема потреба од продолжување на мисијата на ММФ, но експертите сметаат дека на новата влада, која треба да се формира во септември, и' е неопходна мисијата на оваа меѓународна финансиска институција. На експертските оцени им се придружи и гувернерот на Албанската банка, Ардијан Фулани, кој оцени дека е потребен нов договор со ММФ за помош на новата влада. (Макфакс) |
