ЕВН апелира градежниците да користат подземен катастар
Дел од Скопје вчера немаше струја повеќе од еден час, но потоа екипите на „ЕВН - Македонија“ го отстранија дефектот поради кој дојде до прекин во снабдувањето.
Портпаролката на „ЕВН - Македонија“, Ленче Карпузовска, соопшти дека не станува збор за експлозија на трафостаница во Капиштец, туку причината за прекинот во снабдувањето е скинат кабел од страна на градежната оператива.
„Апелираме до сите градежници пред да започнат да ги изведуваат градежните работи, да побараат од нас подземен катастар, преку кој може да се лоцираат сите подземни кабли за да не се случуваат вакви инциденти“, изјави Карпузовска. Таа нагласи дека во одредени случи, при прекин на подземен кабел, отстранувањето на дефектот може да трае со часови.
Инаку, прекин во снабдувањето со електрична енергија вчера имаше во делови од населбите Капиштец, Водно и Козле. (Ек.Р.) |
