Советот за култура, советодавно тело на министерот за култура Елизабета Канческа-Милевска, на вчерашната седница на која тема била анализата на состојбите во музејската дејност во Република Македонија, оцени дека во областа на музејската дејноста станува збор за континуирана деградација, поради што членовите дале многу нови предлози за надминување на постојната состојба.
„Советот за култура заклучи, подвлекуваат од министерството за култура, дека треба да се подготви стратегиска програма за развој на музејската дејност со постулати и потточки во кои ќе бидат содржани: постојната состојба, развојните аспекти и динамиката и рокот за реализација на програмата.“
Следната седница на Советот за култура ќе биде посветена на анализата на состојбите и на развојот на ликовната дејност во Република Македонија и видување на националните институции во рамките на оваа дејност. (К.Р.)
Брее, текстров е бетер од состојбата во музеите во Македонија.
Што се однесува до советот на министерката и неговите предлози, кои патем не ги читаме во текстов, но може да се насети од зборовите како стратегија, програма и т. н. очекувам едно големо НИШТО. Судејки по членовите на советот, особено по членовите кои работат по музеите, тоа може да го гарантирам. Гаранцијата е во нивните досегашни резултати како музејски работници. А актуелната состојба во музеите ја направија токму таквите како членовите на советот вработени по музеите.
