За два дена 60 загинати од напади

Исламабад- Уште две експлозии во кои загинаа 12 лица, се случија вчера во Пакистан. Крвавите напади дојдоа само еден ден по двојниот бомбашки напад на пазар во источниот пакистански град Лахор во понеделникот. Притоа 48 лица загинаа, а над 150 беа повредени. Две синхронизирани бомби со далечински управувач избувнале на пазарот, популарен меѓу жените во Лахор, причинувајќи огромен пожар. Десетици продавници и автомобили продолжиле да горат до доцна во ноќта по локално време на "Муун маркет", каде се продаваат чевли и облека, и затоа тој е посетуван претежно од жени и деца. Повеќето жртви се жени и деца, меѓу кои има двегодишно дете.Исламистички екстремисти извршија десетици крвави напади во Пакистан во последните седмици. (МИА)