Од 2014 година со мотори В-6
Светската автомобилистичка федерација формално ги одобри плановите за воведување нов 1,6-литарски турбомотор со шест цилиндри (В-6) од почетокот на сезоната 2014. Комисијата за Формула 1, која ја сочинуваат главните акционери во овој спорт, претходно едногласно се согласи да се префрли од осумцилиндарски на шестцилиндарски мотори со системи за зачувување и повторна употреба на акумулираната енергија.
Првичните планови се однесуваа на 1,6-литарски хибридни турбо мотори со четири цилиндри да бидат воведени во 2013 година, но тоа наиде на отпор кај некои производители. Во соопштението на ФИА нема за тоа колкаво ќе биде ограничувањето на бројот на вртежите кај новите мотори. Шефовите на техничките оддели на тимовите се сретнаа минатата недела за време на Големата награда на Европа во Валенсија и сугерираа лимитот да биде зголемен од сегашните 12.000 вртежи во минута на 15.000.
Мерцедес, Ферари, Рено и Косворт се производителите на мотори во Формула 1 во моментов и секој од нив снабдува по три тима. |
