Тадиќ повика на економски патриотизам

Белград - Српскиот претседател Борис Тадиќ ги повика српските бизнисмени да покажат економски патриотизам во време на тешка криза.

„Секоја земја прави се' што е можно за да ги привлече сопствените бизнисмени да работат во својата земја, да плаќаат даноци и да даваат свој придонес за државата“, рече Тадиќ. Потсетувајќи дека бизнисмените се соочуваат со искушенија и бараат помош од државата, Тадиќ истакна дека и државата очекува помош од бизнисмените. „Бизнисмените, како и сите други граѓани, треба да плаќаат даноци во својата држава. Ова е време во кое очекуваме еден вид економски патриотизам“, рече тој, оценувајќи како апсолутно неприфатливо големите претпријатија да се продаваат како офшор-компании и парите од продажбата и данокот да заминат во други држави. Српскиот претседател истакна дека тоа прашање треба да биде уредено со закон. (МИА)