Собрани 148.000 денари од лицитација за ДСУ„Лазар Личеноски“
На одржаната хуманитарна лицитација во „Мала станица„ под наслов „Од големите уметници за малите уметници“ на која деновиве беа продадени ликовни 18 дела, од кои единаесет од реномирани уметници, а седум од ученици од Државното средно уметничко училиште „Лазар Личеновски“, беа собрани 148.000 денари. Оваа сума организаторот на акцијата фирмата „Касвер - Ц“ заедно со својот партнер „Ројал таленс“ од Холандија, ќе ја удвои и според планот ќе ја употреби за набавка на најквалитетни сликарски материјали што треба да им бидат донирани на учениците од ДСУ „Лазар Личеновски“.
Лицитацијата одржана на 23 декември беше трета фаза од проектот финансиран од Министерството за култура, во рамките на кој десет ученици на отворено сликаа свои дела. (К.Б.) |
