Шкотските фудбалски навивачи спроведоа хуманитарна акција во која се собрани 12.000 фунти за децата со хендикеп во Македонија. Шкотската навивачка група „Карирана војска“ (Tartan Army) ќе ги донира средствата на две македонски социјални институции пред натпреварот Македонија - Шкотска, што ќе се одигра утре во Скопје. Денеска шкотските фудбалски навивачи ќе донираат 4.000 фунти за Дневниот центар за деца-бездомници во Шуто Оризари. Средствата ќе бидат наменети за набавка на основни потреби, како што се чевли, облека и учебници. Донација од 8.000 фунти утре ќе биде доделена на Центарот за рехабилитација на деца и млади во Топанско Поле. Парите ќе бидат искористени за реновирање на тоалетите, како и за набавка на нови кревети и душеци. Шкотските навивачи ќе присуствуваат на двата настана во друштво на британскиот амбасадорот Ендру Ки. (Макфакс)
