Голем пад на берзанските индекси
Првиот работен ден неделава на пазарот на капитал беше забележан голем пад на хартиите од вредност. Берзанскиот индекс МБИ 10 падна за 3,48 проценти, што е најниско ниво во последниов период.
Најмногу акции беа истргувани од Комерцијална банка, „Гранит“, „Макстил“, „Арцелормитал (ЦРМ) Скопје“, „Арцелормитал (ХРМ) Скопје“, како и обврзниците од седмата емисија. Вкупниот промет заврши на 35,7 милиони денари од 262 трансакции, од кои на Официјалниот пазар имаше 32,5 милиони денари, а на Редовниот пазар 3,1 милион денари. Покрај МБИ 10, индекс во опаѓање беа и другите индекси, МБИД- 1,94 проценти, а пад од 0,49 проценти забележа индексот на обврзниците. (Макфакс) |
