Лов на крап на езеро Мавровица

На вештачкото езеро Мавровица, Свети Николе, викендов ќе се одржи финалниот меѓународен риболовен натпревар „Мавровица 2009“ во лов на крап со јадица на дно, „по шема“ фати и пушти. Ќе се натпреваруваат 30 екипи од кои десетина се странски. Натпреварот ќе трае 72 часа деноноќно без престан. Организатор на натпреварот е спортското риболовно еколошко друштво „Мак крап“. За најуспешните три екипи освен пехари и дипломи, обезбедени се и парични награди. Награда ќе има и за екипата која ќе има најголем улов.

Од „Мак крап“ за годинешниов меѓународен натпревар велат дека е доказ на реализирана идеја натпреварот да стане традиционален и интернационален. За прв пат идентичен натпревар, но со учесници само од државава, се организираше лани на Вратничко езеро.