| „Фијат“ доби одобрение да го купи „Крајслер“
Брисел - Европската комисија и' одобри на италијанската автомобилска индустрија „Фијат“ да го купи американскиот произведувач „Крајслер“, кој неодамна банкротираше, нагласувајќи дека оваа купопродажба нема да влијае врз конкуренцијата во Европската унија.
Во новата компанија „Крајслер груп ЛЛЦ“, која веднаш ќе почне со работа, „Фијат“ ќе има удел од 20 проценти и на американската компанија ќе и' обезбеди технологија за производство на помали и поштедливи возила.
„Крајслер“ дејствува, пред се', во Северна Америка, од каде што потекнуваат и 90 проценти од неговиот профит и нема ниту една фабрика во Европа.
Аналитичарите напоменуваат дека со спојувањето на дејностите на „Фијат“ и „Крајслер“, ќе биде создадена групација која со своето работење може да и' конкурира на најголемата европска автомобилска куќа, германскиот „Фолксваген“. (МИА) |
