Војниците се изборија за подобар статус

Министерството за одбрана се договори со професионалните војници, кои издејствуваа зголемување на износот што ќе го добиваат и на годините за активната резерва. По вчерашната средба меѓу министерот за одбрана Зоран Коњановски и претседателот на Независниот синдикат, Веле Крбалевски, војниците ги отстранија транспарентните со кои повеќе месеци протестираа пред Владата.

„Достигнавме некој прифатлив износ кој ќе ги компензира потребните средства за професионалните војници. Од МО беше предложена активната резерва, што ја зголемивме за уште две години, што значи до 50 години. Зголемувањето што го постигнавме значи еден вид отпремнина што ја вметнавме во активната резерва“, изјави Крбалески. (П.Р)