Кофинансирање на седум проекти од образованието

Министерството за образование и наука ќе кофинансира вкупно седум заеднички научно-истражувачки проекти на Република Македонија и на Република Хрватска, со вкупно 4,2 милиона денари во рамките на Програмата за соработка меѓу двете земји во областа на науката, технологијата и образованието за периодот 2009-2012 година. Како што соопшти министерот за образование и наука, Никола Тодоров, на вчерашната заедничка прес-конференција со хрватскиот амбасадор во земјава, Иво Кујунџиќ, нивната реализација согласно со потпишаниот Протокол ќе почне оваа година, а проектите се од областа на медицината, сеизмологијата, земјоделството, ветерината, математика и информатика и од областа на културата. (МИА)