Општините ќе имале полза од помалиот ДДВ за становите
Заедницата на единиците на локалната самоуправа ја поздравува одлуката на Владата за намалување на ДДВ од 18 на пет проценти за становите, сметајќи дека тоа ќе има повеќекратни позитивни импликации и ќе биде од голема полза за општините.
Од ЗЕЛС сметаат дека намалувањето на ДДВ ќе придонесе за намалување на цената на становите за 11 проценти, од што полза ќе имаат и граѓаните и локалната власт.
„Директниот ефект од намалената даночна стапка се очекува да доведе до намалување на вкупната цена на продажба на становите, а со тоа ќе заживее пазарот на недвижен имот. Данокот на додадена вредност на изградба на станови, пак, претставува еден од изворите на приход на општините. Со зголемен промет на недвижен имот, општините ќе соберат многу повеќе средства при наплатата на овој данок во своите каси, како резултат на зголемен прилив на средства собрани од данокот на промет со недвижен имот“, се вели во соопштението испратено од ЗЕЛС. (Б.А.)
Тотално непознавање на законите и на економскататсостојба во државата.
Господине кој што сте го изјавиле ова прочитајте го Законот за даноци на имот член 25 став 6 кој вели на првиот промет на стамбени згради и станови продадени првите 5 год. по изградбата, на кој е пресметан ДДВ се ослободени од плаќање на данок на промет.
Ако пак мислите дека цената на становите толку многу ќе се намали па сите ќе купуваат станови, првин треба да се намалат каматите на кредитите кои благодарение на оваа реформаторска влада се во постојан пораст.
Од: jovo
Датум: 11.09.2009 13:35:34
zakonot vece se cuvstvuva cenite na stanovite vo ohrid,bitola,prilep vece padjat.
