Ќе се чистат кејот на Вардар и Градски парк
Екипи на јавните претпријатија „Паркови и зеленило“ и „Комунална хигиена“ заедно со работниците на „Митал Стил“ денеска ќе реализираат акција за чистење на Градскиот парк и кејот на Вардар. Поддршка на акцијата со која се одбележува 5 Декември, Денот на волонтирањето, дава и градоначалникот на Скопје, Трифун Костовски.
Во чистењето на кејот, покрај работниците на двете јавни претпријатија, ќе бидат вклучени и педесетина работници од „Митал Стил“ кои ќе чистат на потегот од зградата на Владата до Градскиот парк. Со оваа акција претпријатијата ќе стават акцент на значењето на животната средина и ќе дадат свој придонес во нејзиното одржување. (Сн.К.)
|
