Политичари даруваа крв и храна

Американската амбасада заедно со Црвениот крст на Македонија втора година едноподруго организираше крводарителска и собирна акција на прехранбени продукти за помош на сиромашните. На повикот, до 14 часот се одзваа околу 60 крводарители, меѓу кои и пратениците Силвана Бонева, Цветанка Иванова, Тахир Хани, Влатко Ѓорчев, додека спикерот на Собранието, Трајко Вељаноски, донираше храна. Акцијата ја поддржа и министерот за одбрана, Зоран Коњановски. „Поддршката што ја имаме од граѓаните на оваа земја е извонредна“, изјави американскиот амбасадор, Филип Рикер, кој изрази очекување и овогодинешната акција, како лани, да ја достигне бројката од 100 крводарители. (Н.Р.)