Шверцувале резервни делови за возила
Министерството за внатрешни работи поднесе 13 кривични пријави за 15 лица осомничени за илегално внесување делови од луксузни автомобили и нивно вградување во други идентични марки, како и за нелегално внесување цели патнички моторни возила. Од направените проверки, МВР утврдило дека деловите потекнуваат од одземени патнички возила и украдени во соседните и западноевропските земји. Пријавите се поднесени против лицата И.С. (46), Р.С. (38), И.И. (41), Г.Д. (31), З.К. (49), С.Н. (53), Џ.Н. (32), Т.П. (51), И.Б. (43), О.М. (44), Н.П. (58), Т.Ш. (52), В.П. (39), Б.В. (35) и М.М. (34). Делата за кои се поднесени пријавите се извршени од средината на минатата година до ноември оваа година, а вградувањето се вршело во сервисот на И.С. во Драчево. Одземени се 14 автомобили. (Љ.С.) |
