Во Лисабон пет медали за филателистите од Македонија

Македонските филателисти постигнаа голем успех на најголемата светска изложба што се одржа годинава во Лисабон, Португалија. Се враќаат дури со пет освоени медали, што е уште еден доказ за нивните убави и квалитетни колекции. Со сребрен медал се закитија Синиша Павлески за колекцијата „Папагали“ и Љубомир Ѓорѓевиќ за колекцијата „Поштенска историја“. Горан Стефановски беше награден за својата колекција „Пеперутки“ со сребрено-бронзен медал, додека Стеван Савевски, инаку претседател на Сојузот на филателистите на Македонија, за колекцијата „Русија“ и Климе ��оповски за „Св. Кирил и Методиј“ добија бронзени медали.

Да потсетиме дека годинава најголем успех на меѓународните изложби постигна Синиша Павлески, кој за својата колекција „Папагали“ освои бронзен, односно сребрен медал во Антверпен, Белгија, и во Париз, а исто така во Антверпен доби бронзен медал за колекцијата „Петел“. (М.М.)