Промоција на „Форум романум стобис II“

Во Музејот на Македонија денеска во 10 часот ќе биде промовирана публикацијата „Форум романум стобис II“ од авторите-археолози Мила Шурбаноска и Антонио Јакимовски. Промотор е Паско Кузман, директор на Управата за заштита на културното наследство.

Публикацијата е резултат на археолошките истражувања реализирани во 2007 и во 2008 година, во соработка на Музејот со невладината организација ЧИСС - Меѓународна соработка југ-југ, од Италија, а финансирани од Министерството за надворешни работи од истата земја. Во рамките на проектот, во 2008 година беше организиран и тренинг-курс за конзервација и реставрација со учество на студенти од Македонија и Палестина.(К.Б.)