Киднапирани 16 работници на ОН во Авганистан
ГАРДЕЗ - Непознати вооружени лица киднапирале 16 Авганистанци кои работеле за агенција за деминирање, спонзорирана од ОН, во источниот дел на Авганистан, јавија вчера официјални извори на ОН и на полицијата. Авганистанските работници работеле за агенцијата „Мајн детекшн енд дог сентер“ (МДДЦ), што е дел од агенцијата на ОН за расчистување на мини во Авганистан, позната како УНМАЦА. Тие биле киднапирани додека патувале меѓу провинциите Кост и Пактија во саботата навечер, јави началникот на полициските сили од Пактија. Официјален претставник на УНМАЦА, Ѓул Ага Ахмаџаи, јави дека тие
биле киднапирани додека се движеле по патот Логар-Гардез, што ги поврзува со провинцијата Кост. (Ројтерс)
|
