Парма со пресврт ја елиминира Фиорентина

Парма со победата во продолженијата против Фиорентина (2:1) се избори за четврт-финале во Италијанскиот куп. Во регуларниот дел мечот заврши 0:0, а потоа за само пет минути паднаа три гола. Најпрвин поведе Фиорентина со голот на Сантана во 114. минута, а потоа на сцена стапи Креспо. Со два гола во 116. и 118. минута Аргентинецот ги шокираше гостите.

„Пак загубивме добиен меч. Многу ми е жал за навивачите, бидејќи игравме добро, но и натаму го плаќаме цехот од претходните натпревари. И против Удинезе го диктиравме темпото па на крајот паднавме, сега повторно истото. Фудбалерите го дадоа тоа што го имаа, не можам ништо да им забележам. Сега максимално ќе му се посветиме на првенството“, изјави разочараниот тренер Синиша Михајловиќ.