Словенија бара ред во еврозоната

Љубљана – „Еврозоната треба да има правила што ќе и' овозможуваат да ги исклучи членките кои не ги почитуваат правилата за финансиска стабилност“, изјави словенечкиот премиер Борут Пахор. Словенија стана членка на еврозоната во 2007 година.Во рамки на планот за кризни кредити за презадолжената Грција, Словенија мора да и' даде кредити на Атина во следните три години во износ од 384 милиони евра, што претставува 0,48 отсто од вкупната програма на еврозоната и ММФ. 

„Европската монетарна унија има смисла само доколку еврото остане стабилна валута“, рече Пахор во врска со протестите што ги предизвикува грчката должничка криза во еврозоната.