Дора Бакојани остана без партија

АТИНА - Иако нацрт-законот е изгласан, во принцип , Владата не помина неоштетена на гласањето. Тројца од нејзините пратеници, Јанис Димарас, Софија Сакорафа и Василис Економу, едноставно, гласаа „присутен“, наместо да го дадат својот глас за поддршка на нацрт-законот. Реагирајќи со невидена брзина, Папандреу ги исклучи тројцата пратеници од парламентарната група.

Поранешната министерка Дора Бакојани, доживеа полоша судбина. Таа беше исклучена од Нова демократија (НД), партија што некогаш ја водеше нејзиниот татко Константин Мицотаксис, а сега е почесен претседател. Бакојани го навреди актуелниот конзервативен лидер Антонис Самарас, гласајќи за мерките кога сите пратеници на НД имаа инструкции да се изјаснат против. Бакојани ја опиша таа тактика како „популистичка и водена од ситни партиски политички интереси“. Самарас и Бакојани се скарани откако Самарас победи на изборите за лидер на НД во ноември минатата година. Оттогаш има шпекулации дека поранешната министерка за надворешни работи ќе формира сопствена партија. („Катимерини“)