„Шпедитерите“ му покажаа заби на Фени И.
Работнички за прв пат славеше сезонава во Кавадарци и тоа во првиот меч од финалето
Фершпед Работнички тогаш кога е најпотребно - во првиот меч од финалната серија подобар до четири успеа да покаже заби и да го совлада Фени индустри за прв пат сезонава во неговото Кавадараци (66:63).
Тоа беше трилер натпревар во кој подобро се снајдоа гостите, на кои не им затрепери раката во пенал завршницата. Токму преку слободни фрлања „шпедитерите“ дојдоа до водство од 63:59 на само 37 секунди пред крајот. Потоа Доналд Кол исто така од пенал линијата намали на 61:63. Филиповиќ повторно зголеми на 65:61, а Самрџиев врати за 63:65. На спротивната страна Тасовки погоди едно слободно фрлање за 66:63. Актуелниот шампион имаше седум секунди со тројка да го одведе мечот во продолженија, но Самарџиев не успеа.
Инаку, и овој натпревар покажа одредена неконстантност и кај двете екипи. Така најпрвин домаќинот знаеше да направи серија од 13:1 во првиот дел, а во вториот Ф.Работнички беше тој кој оствари серија од 11:1. Најефикасни кај гостите беа Тасовски со 13 и Филиповиќ со 12, а кај домаќините Кол со 13 и Бошњак со 11.
Вториот меч се игра �� недела во „Градски парк“ во 20,15 часот.
Фени И. - Ф.Работнички 63:66
По четвртини: 20:13, 12:19, 15:14, 16:20.
Сала: „Јасмин“, гледачи: 1500, судии: Мицевски, Денковски, И.Митровски
Фени И: Мираковски 7, Прековиќ 7, Баснарков, Јововиќ 2, Јаневски, Бошњак 11, Гоцевски, Ѓуров 8, Неделков, Крстев, Самарџиев 8.
Ф. Работнички: Угриновски 6, Стојановски 7, Грнчаров 6, Филиповиќ 12, Симиќ 9, Караколев, Тасовски 13, Марковски, Трајковски 7, Митровиќ, Пачун 6, Дилберовски.
|
