Денис Менчов ја презеде розевата маица
Рускиот велосипедист, Денис Менчов е победник на 12. етапа на Трката околу Италија, која се возеше на хронометар во должина од 60,6 километри од Сестри Леванте до Риомаџоера. Менчов, патеката полна со нагорнини и надолнини, ја возеше многу храбро и на крајот оствари убедлива победа со време од еден час 34 минути и 29 секунди.
Колку беше добар Русинот, може да се заклучи и од податокот кој вели дека второпласираниот, Американецот Леви Липхајмер, беше побавен за 20 секунди, а третопласираниот, Италијанецот Стефано Гарцели, дури една минута и три секунди.
Благодарение на овој извонреден резултат, Менчов го презема водството во генералниот пласман од Италијанецот Данило ди Лука, кој хронометарот го заврши на шестото место со задоцнување од една минута и 54 секунди. Ди Лука на првото место беше седум етапи.
Резултати, 12. етапа
1. Денис Менчов (Рус) 1:34,29
2. Леви Липхајмер (САД) + 20 сек.
3. Стефано Гарцели (Ита) + 1:03
Генерален пласман:
1. Денис Менчов (Рус) 50:27:17 часа
2. Данило ди Лука (Ита) + 34 сек.
3. Леви Липхајмер (САД) + 40 |
