Деспотовски, Ивановски и Мемеди нови имиња
Селекторот Јонуз го објави списокот за квалификациски мечеви за СП 2010 со Норвешка и Исланд
Фудбалерот на украинска Ворскла Филип Деспотовски, напаѓачот на Полонија, Филип Ивановски, како и членот на Ренова, Агрон Мемеди, за прв пат ќе бидат дел од најсилната македонска фудбалска репрезентација, на која и претстојат квалификациските мечеви за СП 2010 против Норвешка и Исланд на 6 и 10 јуни во Скопје.
Шансата за докажување им ја дава новиот селектор Мирсад Јонуз, кој се одлучи во националниот тим да го врати и играчот на корејскиот Услан Хјундаи Славчо Георгиевски. Останатите имиња на списокот на кој се најдоа 24 фудбалери се познати. Во големата група интернационалци свое место од домашниот шампионат обезбедија единствено Арменд Алими од Милано, Даниел Мојсов од Македонија ЃП и споменатиот Агрон Мемеди од Ренова.
Собирот на репрезентативците е закажан за 31 мај во хотелот Белви во Охрид. Таму репрезентацијата ќе остане до 4 мај, кога се враќа во Скопје.
Список: Голмани: Јане Николовски (АЕП Пафос, Кипар), Томе Пачовски (Вардар)
Одбрана: Гоце Седлоски (Матерсбург), Игор Митрески (Жерминал Бершот), Владе Лазаревски (Полонија), Горан Попов (Херенвен), Николче Новески (Мајнц), Роберт Петров (Славија Софија), Даниел Мојсов (Македонија ЃП), Ванче Шиков (Етникос), Бобан Грнчаров (Макаби Петах Тиква),
Среден ред: Величе Шумуликовски (Ипсвич), Влатко Гроздановски (Војводина), Дарко Тасевски (Левски), Алими Арменд (Милано), Филип Деспотовски (Ворскла), Агрон Мемеди (Ренова), Славчо Георгиевски (Улсан Хјундаи)
Напад: Горан Пандев (Лацио), Илчо Наумовски (Матерсбург), Горан Мазнов (Томск), Ацо Стојков (Хиреѓихаза), Стевица Ристиќ (Поханг), Филип Ивановски (Полонија).
Покрај составот Јонуз ги претстави и своите помошници. Тоа се Влатко Костов, Неџат Шабани и тренерот на голманите Гого Јовчев. |
