Новинарите бараат подобар статус

Под мотото „За новинарството се работи“, вчера на прес-конференција беше објавена декларација во која се повикува новинарската фела да се обедини за силно здружение на новинарите на Македонија што ќе работи на подобрување на професионалните стандарди и заедно со членството ќе им се спротивстави на сите форми на притисоци.Во декларацијата како цел е поставено и конечна реализација на идејата за формирање синдикална организација.

„Ова е симболично ’востание‘ што треба да го изрази револтот од долгогодишниот деградирачки однос кон професијата на групи и поединци“, потенцираа дел од новинарите. „Да се обединиме и да покажеме дека сме силни“, затоа што никој поединечно не може ништо да напра��и. Новинарите нема да излезат на улица, туку ќе ја пренесуваат декларацијата. „Упатуваме пораки до партиите, власта, центрите на моќ и до нашите газди - Доста е, но и време е“, нагласуваат, за поголеми чекори што ќе ја гарантираат социјалната и професионалната независност.(МИА)