Последниот лет на „Атлантис“
Вчера во 11,26 часот вселенскиот шатл „Атлантис“ требаше да полета на последната мисија на НАСА, по три децении и повеќе од 130 лета, а да се приземји во вселенскиот центар „Кенеди“ на 20 јули. „Откако тркалата ќе запрат, а екраните ќе бидат празни, и леталото ќе биде деактивирано за последен пат, ќе има налет на емоции кога конечно ќе сфатиме дека тоа е тоа, дека се' е готово, крунскиот накит на нашата вселенска програма, начинот на кој одевме и се враќавме од ниската Земјина орбита 30 години, ќе сфатиме дека се' е готово“, рече командантот на вселенскиот брод Кристофер Фергусон. „Ќе биде потребно малку време да се справиме со тоа“. Спуштањето на „Атлантис“ ќе се случи 7,5 години откако претседателот Буш, реагирај��и по катастрофата на „Колумбија“ во 2003 година, нареди НАСА да ја заврши Меѓународната вселенска станица и да ја повлече вселенската флота од летала до крајот на деценијата.
|
