Љупка Делева изложува во КО-РА
Визуелната уметница Љупка Делева, која од 2001 година живее и работи во Венеција, вечерва на изложба што во Домот на културата „Кочо Рацин“ - галерија КО-РА, ќе биде отворена во 19 часот, првпат пред македонската публика ќе претстави дизајн и рачна изработка на авторски мониста од стакло мурано.
Делева е родена во Гевгелија во 1970 година. Завршила средно уметничко училиште и Факултет за Ликовни уметности во Скопје, во класата на проф. Душан Перчинков, отсек сликарство. Досега изложувала во земјата и во странство, има остварено три самостојни и повеќе групни изложби. Работи фотографија и инсталации. Работела како конзерватор во Градскиот завод за заштита на спомениците на културата на град Скопје, а во Венеција специјализира конзервација на ѕидно сликарство. (К.Б.) |
