Средба со хрватскиот поет Иван Херцег
Независните писатели на Македонија денеска во „Мала станица“ организираат средба со извонредниот хрватски поет Иван Херцег. Како што не' информираа од Здружението на независните писатели на Македонија, оваа размена на автори се реализира меѓу нашето здружение и Хрватското друштво на писателите (ХДП). Нашите автори Игор Исаковски и Јовица Ивановски деновиве беа гости на хрватските писатели во Загреб и Риека, така што поетската вечер на Херцег претставува еден вид возвратна посета што ќе се одржи во „Мала станица“, во книжарницата „ Или - или“, во 19,30 часот. За авторот и неговото творештво пред присутните ќе говорат Елизабета Шелева и Лилјана Дирјан. (Н.П.) |
