Премиера на „Лилика“ во Турски театар
Вечерва, во 19,30 часот, на сцената на Турскиот театар во Скопје премиерно ќе биде одиграна претставата „Лилика“, работена според истоимениот расказ на Драгослав Михаиловиќ, за кој адаптацијата ја направи Ана Ристоска, во режија на Јован Ристовски.
Предизвикот на авторката Ана Ристовска да се зафати со оваа адаптација е самата приказна за Лилика, малолетно девојче кое во едно општество е изложено на насилство од сите страни. Режисерот Јован Ристовски, пак, во „Лилика“ гледа една изместена приказна во која се' што се случува е црно. „Лилика за мене е хероиња многу слична на Пипи Долгиот Чорап, која со својот пријател Јанко одвреме-навреме испушта позитивна енергија од сцената“, вели режисерот Ристоски.
Насловната улога и' е доделена на актерката Зубејде Селимовска, покрај која играат: Осман Али, Селпин Керим, Неат Али и други. (Л.М.) |
