Мел Гибсон

Не е обврзан да плаќа алиментација

Мел Гибсон, кој неодамна се раздели од Роксана Григориева, со која има петмесечна ќерка, законски не е должен да и' плаќа алиментација на бившата партнерка, но веројатно, ќе и' праќа пари за издржување на детето.

Според мислењето на експертите за семејното право, холивудскиот актер за издржувањето на Лусија ќе издвојува од 12 до 15 илјади долари месечно, објави магазинот „Пипл“

Оксана Григориева нема право да бара алиментација, бидејќи двајцата не се официјално венчани. „Тоа не е развод. Само мајката има право на издржување на детето, што во случајот на Гибсон, ќе биде златна сума“ рече адвокатот Стивен Ноулс. „Тој им припаѓа на луѓето со големи приходи, а по правило, таквите треба да плаќаат разумни суми потребни за издржување на детето, објаснува Ноулс.

Мел Гибсон, кој со бившата сопруга Робин има и седум деца - ќерка и шест сина, моментално се наоѓа во Мексико каде што го снима филмот „Како го поминав мојот летен одмор“. Роксана Григориева има еден син, Александар, од врската со актерот Тимоти Далтон.