Ограбени казино и обложувалница
Околу 190.000 денари биле украдени од казиното „Сенатор“ во скопската населба Кисела Вода. Според МВР, разбојништвото се случило во саботата, околу 4,15 часот, кога маскирано лице, заканувајќи им се со пиштол на вработените, од сефот одзело 189.000 денари и побегнало. Две непознати лица со пиштол, во петокот, околу 18 часот, извршиле разбојништво во спортската обложувалница „Арена“ во скопската населба Гази Баба. Побегнале со 12.000 денари, соопшти полицијата.
И во двата случаи разбојниците се во бегство и по нив се трага. (Г.А.) |
