Потпишан меморандум за соработка
Меморандум за соработка со кого се утврдуваат насоките на заедничката соработка вчера потпишаа АД „Електрани на Македонија“ и Факултетот за електротехника и информатички технологии. Директорот на ЕЛЕМ, Влатко Чингоски, рече дека со меморандумот посебен акцент во меѓусебната соработка се става на развојот на едукативните активности, стипендирањето на студентите и постдипломците, ќе се обезбедува студентска практика во работните единици на АД ЕЛЕМ, ќе се организираат предавања, семинари, одбрана на магистерски и докторски трудови од делокругот на електротехниката и информатичките технологии. (Ек.Р.) |
