Има можности, нема проекти
Македонија има потенцијал за енергетска ефикасност и обновливи извори на енергија, но се' уште проблем претставува изготвувањето квалитетни проекти и нивното финансирање, беше оценето на вчерашната Меѓународна конференција што ја организира Агенцијата за енергетика, Центарот за климатски промени, норвешката компанија „Норск енерџи“ и Економската комисија на Обединетите нации. Цел е да се воспостави дијалог меѓу изработувачите на проектите и финансиерите, да се подобрат способностите за подготовка на профитабилни проекти и да се овозможи интеракција со финансиските институции што би инвестирале во вакви проекти“. Препознатливи сме по сончевата енергија и располагаме со извонредно подготвен терен за инвестирање, но правењето квалитетни проекти и нивното финансир��ње се проблем со кој се соочуваме. Мислам дека банките не се влезени во оваа проблематика и колку што побргу влезат, тоа ќе биде подобро за сите нас, изјави директорот на Агенцијата за енергетика, Лазар Гечевски. (МИА) |
