„Оне“ донираше медицинска опрема во Охрид
Пред екот на туристичката сезона кога и се зголемува потребата за итна медицинска помош, „Оне“ донираше високософистицирана медицинска опрема на здравствениот дом Охрид со што го продолжува хуманитарниот караван за донирање медицинска опрема наменета за амбулантните возила на брзата помош.
„Уверен сум дека медицинската опрема што ја донираме ќе ја олесни работата на медицинските лица и ќе помогне за нивна уште побрза реакција на теренот особено што претстои екот на туристичката сезона, но и ќе ја олесни работата на медицинските лица што ја даваат првата помош. За нас е од особено значење се нашите граѓани и затоа се трудиме што можеме повеќе да придонесеме за подигнување на квалитетот на живеење, а со тоа и да бидеме пример за одговорна компанија“, рече Виктор Доневски, директор на Одделот за односи со јавност на „Оне“ при предавањето на донацијата во Охрид. (А.С.) |
