Нашиот интернационалец останува во Рим до крајот на договорот кој истекува во 2010 година
Сашко Ѓ. Димовски
„Лацио е завршена приказна за мене“, ни изјави Горан Пандев по вчерашниот брифинг со новинарите во Охрид видно разочаран од неможноста да најде клуб во овој преоден рок. Пандев се помири со ситуацијата дека ќе остане во Рим, но надвор од првиот тим на Лацио. Преку својот менаџер правеше напори да ја смени клубската средина до затварање на преодниот рок кој истече во понеделникот на полноќ, но тврдоглавоста на претседателот на Лацио Клаудио Лотито направи нашиот репрезентативец да остане во италијанската престолнина. „Тешко ми е, но ќе останам во Лацио до крајот на мојот договор кој истекува во 2010 година. И натаму стојам цврсто на ставот дека сакам да го напуштам клубот, но моите желби, сепак, нема да се реализираат овој пат“, додаде Пандев.
Признава дека неизвесноста околу неговата идна дестинација во кариерата психички го оптоварауваше, но вели дека брзо го надмина проблемот и се помири со ситуацијата. Пандев беше изоставен од првиот тим на Лацио поради спорот со претседателот Лотито, кој вети дека ќе се надмине, а тоа, сепак, не се случи. Беше поврзуван со трансфер во Интер. За него пофални зборови искажа и тренерот Жозе Мурињо изјавувајќи дека му се допаѓа македонскиот репрезентативец, дека сака да го види во неговиот, и така фантастичен тим што го состави летово, но пречката за трансфер на Пандев наречена Лотито, беше непремостлива. Евентуалниот трансфер во Интер предвидуваше 13 милиони евра, а во Рим требаше да се пресели Марко Матераци или португалскиот интернационалец Кварезма. „Последниот меч што го одиграв беше оној на 12 август против Шпанија. Го пропуштив италијанскиот Супер куп со Интер, ги пропуштив настапите за Лацио во Лига Европа, надвор сум и од комбинација во италијанската Серија А, но мое е и натаму да работам и верувам дека тоа нема да се одрази врз играта во репрезентацијата на Македонија“, заврши Пандев.
Селекторот Јонуз на прес-конференција вчера во Охрид посочи дека Пандев ќе биде повикуван во нашата репрезентација без разлика што не игра за Лацио.
Меѓутоа, кога ќе се проанализира целата ситуација јасно е дека завршниот дел од „Сагата за Пандев“ е на штета на нашит најдобар фудбалер како и на репрезентативниот состав. Од една страна, Пандев, ако остане овој епилог, ќе пропушти цела сезона, а без силни мечеви, како во Серија А, така и во Лигата на Европа, не ќе може да се одржи високиот ритам на неговата форма. Од друга, и македонската селекција со Пандев, но во вакви околности е нешто сосема друго.
Pandev ne ostanuva vo Lazio zaradi kako sto velite "tvrdoglavosta" na pretsedatelot na Lazio. Poglednete nanazad kakvi se gluposti pravese Pandev pocnuvajki od negovata alcnost do negovata netakticnost za da zavrski so krajno malogragjanski i neprofesionalni izjavi. Dodeka ne "porasneme" sekojdnevno ke ostavame se polosa slika za makedoncite.
Од: strumica
Датум: 02.09.2009 10:42:54
pozdrav do Pandev i samo napred Strumica a veruvam i Makedonija e so nego a toa sekako nesto znaci
Од: la sr
Датум: 02.09.2009 16:53:03
Pandev pocna brilijantno, odese prekrasno no slavara verojatno mu udri mnogu vo glava pa zaboravi kako dojde do tamu. Goeanco vrati se nazad i vidi kako dojde do tamu. Inaku si ,,fantasticen dobar fudbaler,, . Daj boze Makedonija da ima mnogu kako tebe. Pozdtav
Од: goran
Датум: 02.09.2009 17:22:44
makedonecu cela makedonija e so tebe ostani priseben bidi uporen i naporno raboti.Golem broj fudbaleri pauzirali zaradi povreda ili sl i poveke od godina pa se vrakale pak kako majstori na fudbalot.
sovet nemoj klub kade nema da igras (inter, madrid juve)
