Австрија бара отштета од ексшефовите на „Хипо“

Виена - Банкарската групација „Хипо Алпе Адрија“, која сега е во сопственост на државата Австрија, побара од поранешните раководители на банката отштета во висина од над десет милиони евра.

Претставник на банката информира дека новото раководство планира да поднесе тужба против поранешниот директор на „Хипо“, Волфганг Култерер, кој во моментот се наоѓа во истражен затвор, како и против други некогашни менаџери на банкарската групација, обвинувајќи ги за проневера на пари, односно за илегални активности што банката ја довеле во тешка ситуација. (МИА)