Германците ќе добијат повисоки плати

Германскиот министер за економија, Рајнер Брудерле, се заложи за зголемување на платите во земјата, како резултат на обновениот силен раст на германската економија по завршувањето на финансиската криза. „Во време на напредок на економијата можно е значително зголемување на платите“, изјави Брудерле во интервјуто за хамбуршкиот дневник „Хамбургер Абендбат“. Значителното зголемување на извозот оваа година поттикна солиден раст на германската економија што, пак, ги поттикна барањата на работниците за зголемување на платите по повеќегодишните ограничувања воведени поради глобалната економска криза. „Кризата е завршена и сега е дојден моментот за утврдување на новите приоритети“, порача Брудерле. (МИА)