Недела на француски филм во МКЦ

Со премиерата на филмот „Коко пред Шанел“ на режисерката Ан Фонтен, вечерва во 20 часот во киното „Фросина“ во Младинскиот културен центар ќе биде отворена манифестацијата „Недела на француски филм“.

Улогите во филмот на Фонтен ги толкуваат Одри Тоту, Беноа Поелворд, Алесандро Нивола, Мари Жилен и Емануел Девос, а станува збор за животната приказна на Коко Шанел, која претставува отелотворение на модерната жена уште пред да ја измисли.

Настанот свечено ќе го отворат: Елизабета Канческа-Милевска, министерка за култура на Република Македонија, Н.Е. Улрике Кноц, амбасадор на Германија во Македонија и Н.Е. Жан-Клод Шлумберже, амбасадор на Франција во Македонија. (Н.П.)